Ингээд л би ...

Ингээд л би хорин найм хүрчихлээ
Инээж, гуниад л алхалсаар хорин наймтай болчихлоо
Амьдралын нимгэхэн номныхоо хорин найм дахь хуудсыг
Алгуурханаар эргүүлээд би хөнгөхөөн санаа алдчихлаа
Ингээд л би хорин наймтай болчихлоо
Ирээдүйн тухай одоо бодмооргүй болчихлоо
Нэг их сайхан зүүднээс шаналал тээн сэрэх шиг
Нэлэнхүйдээ өнгөрсөн бүхэн хэлэхийн аргагүй гуниг юм
Өөд уруутай шатыг тоолон тоолон алхлаад л байсан
Өгсөж эсвэл уруудаж явсанаа одоо ч би мэдэхгүй ээ
Өнөөдөр л би ямар ч байсан хорин наймтай болчихлоо
Өглөө сэрээд ахиад тоолоход хэд хүрчихсэн байх бол доо...
2011.04.15